Articles

Friends of Jesus Choir yateguye igitaramo cyo kumurika Album “Shepherd of my soul”

шаблоны сайтов
joomla

Friends of Jesus Choir (FoJ) iramurika alubumu yayo ya karindwi Vol 7 ku Isabato tariki ya 18/05/2013 ku munsi wo kuwa Gatandatu muri Serena Hotel, iyi alubum ikaba yitwa "Shepherd of my Soul”. Iyi Alubumu iriho indirimbo 5 ziri mu Kinyarwanda, 6 ziri mu rurimi rw’icyongereza hamwe n’indirimbo 1 iri mu giswahili.

Nkuko twabitangarijwe na Eric umwe mubari gutegura kino gitaramo, batumiye abahanzi batandukanye harimo itsinda The Voice kuva mu gihugu cya Tanzania rizwiho kuririmba mu buryo bwa Acapella aho ribarizwa Dar es salaam rikaba rimaze kuzengu muri Africa no ku mugabane w’uburayi.

Irindi tsinda batumiye muri kino gitaramo ni Shower power bo mu gihugu cya Zimbabwe iri tsinda akaba ariryo riherutse gutsindira igihembo cyo kuba itsinda ryiza rya gospel ririmba muburyo bwumwimerere (Year’s winner of best African Acapella group award). Shower power imaze imyaka 20 aho yazengurutse mu bihugu byinshi byo mu majyepfo y’afurika harimo South Africa, Namibia, Botswana, Zambia, na Malawi; banaririrmbye kandi kenshi muri Kenya ndetse no muri Leta zunze ubumwe z’Amerika.

Undi muhanzi uzagaragara muri kino gitaramo ni Trevor uzaturuka muri USA, uyu akaba ari umucuranzi mwiza wa Pianist ndetse n’umwarimu wa muzika (Professor of music) muri Adventist University of East and Central Africa (AUCA). Reka tubabwire ko kwinjira muri kino gitaramo ari amafaranga ibihumbi 5,000 hamwe n’ amafaranga ibihumbi 10,000 muri VIP.