Articles

KIST: Rhema Ministries yateguye igitaramo cyo gushima Imana kuri uyu wa gatandatu

шаблоны сайтов
joomla

Itsinda riramya  rikanahimbaza Imana ryitwa Rhema Ministries rikorera umurimo muri GBU KIST KHI ryateguye igitaramo kuri uyu wa gatandatu taliki ya 9/03/2013 kizaba kigamije kuramya no guhimbaza Imana, bayishimira byinshi imaze kubagezaho ari nako bayereka bimwe mubyo bifuza kugeraho.

Nk’uko twabitangarijwe n’umuyobozi mukuru w’iryo tsinda Bwana Musafiri Godfrey, icyo gitaramo kizaba gifite umutwe uboneka muri Yohana 4:24 “God is spirit and his worshipers must worship in spirit and in truth” havuga ngo Imana ni Umwuka n’abayisenga bakwiye kuyisengera  mu mwuka no mukuri.

Bamwe mu bahanzi bazaboneka muri icyo gitaramo harimo Oliver Roy, Liliane Kabaganza, Aline Gahongayire, Asaph Worship Team ukongeraho na Rhema Ministries ari nayo yateguye iki gitaramo. Umwigisha w’ijambo akazaba ari Pastor Rukundo  Rogers, naho  amasaha  yo gutangira ni ukuva isaa Munani z’amanywa kugeza saa Kumi n’imwe z’umugoroba.

By Gideon Mupende.N